Një mjeke e ushtrisë amerikane po paralajmëron se efektet anësore të njohura të lidhura me vaksinat mRNA ndaj Covid-19 paraqesin një rrezik potencialisht vdekjeprurës për pilotët dhe pretendon se ushtria nuk po ndjek protokollet e Departamentit të Mbrojtjes për të kontrolluar pilotët për këto efekte anësore potencialisht vdekjeprurëse.
Nënkolonelia Theresa Long kohët e fundit paraqiti një deklaratë nën betim duke thënë se ekziston rreziku i Miokarditit, një gjendje që shkakton inflamacion në muskulin e zemrës, lidhur me vaksinat Pfizer-BioNTech ose Moderna të Covid-19.
Ajo vuri në dukje se një ndërlikim i mundshëm i Miokarditit është ‘vdekja e papritur kardiake’ dhe tha se ‘ekuipazhet e fluturimit paraqesin rreziqe të jashtëzakonshme për veten dhe të tjerët duke pasur parasysh pajisjet që operojnë, municionet e bartura në to dhe zonat e operimit në afërsi të zonave të populluara’.
Long e paraqiti deklaratën e saj në bazë të Aktit të Mbrojtjes së Denoncuesit Ushtarak javën e kaluar dhe e dorëzoi deklaratën nën betim si pjesë e një padie federale në pritje kundër urdhrit të vaksinave të ushtrisë.
Në maj, Qendra për Kontrollin dhe Parandalimin e Sëmundjeve (CDC) njohu rrezikun e mundshëm të inflamacionit të zemrës si Miokarditi dhe Perikarditi që lidhen me dy vaksinat e Covid.
Faqja e internetit e CDC vazhdon të japë një paralajmërim për Miokarditin dhe Perikarditin si një efekt anësor i mundshëm i vaksinave kundër COVID, veçanërisht tek adoleshentët meshkuj dhe të rinjtë.
“Vaksinat e prodhuara nga Pfizer dhe Moderna kanë qenë të dyja të lidhura me miokarditin, veçanërisht te meshkujt e rinj midis 16-24 vjeç.” – shkroi Long, një doktoreshë mjekësie në deklaratën e saj.
“Shumica e pilotëve të rinj të ushtrisë janë në moshë të re dhe ne e dimë se ekziston rreziku i
Miokarditi me çdo vaksinim mRNA.”
Long tha se ‘komplikimet e Miokarditit përfshijnë kardiomiopati të zgjeruar, aritmi, vdekje të papritur kardiake’. Ajo ndau gjithashtu një vlerësim, i cili është raportuar më parë përmes Qendrës Kombëtare për Informacionin Bioteknologjik, i cili thotë se shkalla e vdekshmërisë afatgjatë për Miokarditin ‘është deri në 20% në 1 vit dhe 50% në 5 vjet’.
Long tha se ajo është përgjegjëse për certifikimin e aftësive të fluturimit të 4,000 aeroplanëve në Brigadën e Parë të Aviacionit në Ft. Rucker, Alabama.
Deklaratat paralajmëruese të Long vijnë disa javë pasi Administrata Amerikane e Ushqimit dhe Barnave (FDA) dha miratimin e plotë për vaksinën Pfizer-BioNTech. Pas miratimit të FDA-së, Presidenti Joe Biden dhe Sekretari i Mbrojtjes Lloyd Austin kërkuan vaksina Covid-19 për të gjithë ushtrinë.
Deklarata e Long pretendon më tej se ‘nuk ka asnjë ekzaminim funksional të Miokardit që po kryhet’.
“Bazuar në protokollet dhe studimet e vetë DOD-së, të vetmet metodologji të vlefshme për të vlerësuar në mënyrë të përshtatshme këtë rrezik janë perms skanerit ose biopsisë kardio, e cila duhet të kryhet.” – shton Long.
Në përgjigje të një kërkese të Washington Times për koment, Long iu referoi pyetje dy avokatëve kryesorë për padinë, David Wilson dhe Todd Callender.
Wilson i tha Washington Times, se një gjykatës për Gjykatën e Qarkut të SHBA-së për Koloradon e hodhi poshtë çështjen, e cila fillimisht u paraqit nga dy rreshterë të stafit ushtarak në gusht, por i ftoi paditësit të sjellin prova shtesë.
“Javën e kaluar ne depozituam ankesën e ndryshuar dhe atëherë erdhi deklarata nga Kolonelia Long.” – i tha Wilson, Washington Times.
Callendar tha se ekipi i tij zgjodhi të përfshijë dëshminë e Long për të treguar ‘dëmtimin e mundshëm të pariparueshëm dhe të menjëhershëm’.
“Long është nën pak presion, siç mund ta prisni, sepse dëshmia e saj ka bërë shumë zhurmë.” – Callender.
“Ne rrezikojmë që ekuipazhet e fluturimit të vdesin në ajër dhe kjo është gjëja më e keqe që mund të ndodhë në mendjen e saj si oficere e sigurisë së fluturimit.”
Long nuk është e vetmja oficere ushtarake që ka dalë në kundërshtim me vaksinën. Në fillim të këtij muaji, një oficer i ushtrisë paraqiti një letër dorëheqjeje lidhur me urdhrin e ushtrisë për vaksinën dhe atë që ai e quajti ‘marrëveshjen marksiste të ushtrisë’.
Javën e kaluar, një komandant i Marinës me detyrë aktive u shfaq në Fox Neës për të shprehur kritikat e tij për urdhrin e vaksinës.
