Kryetari i Partisë Demokratike, Sali Berisha ka njoftuar në emisionin “Opinion”, se tashmë ka hapur dhe një llogari të tijën në rrjetin social në Tik-Tok.
Kryedemokrati ka shpjeguar pse ka hapur këtë llogari në rrjet social ku mund të postosh video.
“TikToku është sot më i preferuari në mediat sociale i adoleshentëve dhe moshës afër adoleshencës.
Pavarësisht nga interesi i tyre për politikën, komunikimi me ta është shumë i rëndësishëm. Nuk synoj të vendos një komunikim politik me ta, por synoj që të kem një komunikim politik si një pjesë shumë e rëndësishme e rinisë shqiptare”-tha Berisha.
Berisha u shpreh se ka qenë ide e tij hapja e një llogarie në rrjetin social TikTok, por është shtyrë për shkaqe të ndryshme. Berisha theksoi më tej se pasioni për teknologjinë e ka shoqëruar për dekada.