Në një mesazh të qartë për Rusinë, aeroplanmbajtësja ‘USS Gerald R. Ford’ do patrullojë ujërat e Atlantikut të Veriut së bashku me disa anije të tjera nga aleanca perëndimore.
Uashingtoni ka vendosur ‘USS Gerald R. Ford’, që është luftanija më e madhe në botë, në rajonin strategjik të Atlantikut të Veriut, si anija kryesore e një grupi sulmues transportues, duke treguar praninë ushtarake në rritje të NATO-s kundër Rusisë.
Aleanca perëndimore e udhëhequr nga SHBA-ja ka mbështetur fuqishëm Ukrainën, duke furnizuar Kievin me armë të rënda, si dhe me inteligjencë thelbësore për të ndihmuar vendin të përballet me ofensivën ruse, e cila kohët e fundit ka treguar shenja tërheqjeje.
Dërgimi i ‘USS Gerald R. Ford’ është një tjetër lëvizje e NATO-s për të mbështetur Ukrainën dhe shtetet e tjera pro-perëndimore të Evropës Lindore kundër Moskës.
Çdo aeroplanmbajtëse, një bazë ajrore e lëvizshme, është elementi më i fuqishëm i projeksionit të forcës që çdo ushtri ka dhe ‘USS Gerald R. Ford’ është aeroplanmbajtësja më moderne dhe më e madhe në botë, thotë Andreas Krieg, një analist i mbrojtjes dhe një lektor i lartë në Shkollën e Studimeve të Sigurisë në ‘King’s College’ në Londër.
“Dislokimi i saj dërgoi një mesazh shumë të qartë veçanërisht për rusët në këtë moment se Amerika është atje për të siguruar gjerësisht Atlantikun e Veriut. Ekziston frika se rusët që ndodhen në qoshe, po përpiqen të përshkallëzohen diku tjetër.” – tha Krieg për TRT World.
“Dërgimi i një aeroplanmbajtëseje nuk është kurrë një gjë e rastësishme dhe gjithmonë dërgon një mesazh të drejtpërdrejtë, veçanërisht në këto kohë të tensioneve të rritura midis Rusisë dhe Perëndimit.” – shtoi Krieg.
