Oljan Kanushi është emëruar nëndrejtori i ri i Shërbimit Informativ Shtetëror (SHISH). Emërimi i tij është bërë një javë më parë por u njoftua sot nga ministri i Brendshëm, Çuçi.
Sipas këtij të fundit, emërimi i tij ka të bëjë me plotësimin e një vendi bosh për shkak të një përplasjeje mes institucionit të Presidentit e SHISH-it.
Kush është nëndrejtori i ri i shërbimit të inteligjencës. Më poshtë është një profil i shkurtëri edukimit dhe detyrave në administratë që ka mbajtur Oljan Kanushi.
Oljan Kanushi është diplomuar e ka kryer studime pasuniversitare në fushat e sigurisë e ekonomisë.
Ai ka një diplomë Bachelor në Ekonomi të marrë në Universitetin ‘Aristotel’ në Selanik, ndërsa ka kryer studime pasuniversitare në Universitetin e Tiranës si dhe ka një master në Studime Globale të marrë në Goteborg, Suedi.
Nëndrejtori i ri i SHISH-it ka gjithashtu një diplomë nga Kolegji i Evropës në Brugge, Belgjikë, një nga Universiteti i Shkencave Politike në Paris, Francë si dhe ka kryer dy kurse në Qendrën për Zhvillim Ndërkombëtar në Harvard.
Ndër kualifikimet e tjera të Kanushit mund të përmenden edhe një certifikatë e marrë pranë Akademisë së Trupave të NATO-s, në Selanik, si dhe tjetër nga Universiteti ‘George Washington’, SHBA.
Për sa u përket posteve të mbajtura në administratë ai ka qenë këshilltar i ministrit të Jashtëm, ministër Fuqiplotë i Trupës Diplomatike dhe zv. Shef i Misionit për Shqipërinë në Turq si dhe këshilltar i kryeministrit Rama.
