Sot në Tiranë është thirrur një protestë në solidaritet me tubimin në Prishtinë lidhur me abuzimin seksual ndaj një 11-vjeçareje katër ditë më parë.
Tubimi në Tiranë është parashikuar të mbahet në orën 18 e 30 në ‘Sheshin Nënë Tereza’.
Ngjarja e rëndë ndodhi në Prishtinë më 27 gusht nga ora 17 e 30 deri afër mesnatës ku një e mitur 11-vjeçare dyshohet se është abuzuar seksualisht nga pesë persona, të cilët janë ndaluar.
Ditën e djeshme drejtori i Policisë së Kosovës Samedin Mehmeti u dorëhoq lidhur me ngjarjen ndërsa sot erdhi një tjetër dorëheqje, ajo e Ali Gashit, drejtor i Drejtorisë për Trajtimin e të Burgosurve e të Miturve në Shërbimin Korrektues të Kosovës.
