Policia holandeze tha të shtunën se disa persona kishin vdekur në një incident kur një kamion u përplas në një festë në rrugë në qytetin Nieuw Beijerland në jug të Holandës.
Policia, e cila nuk dha shifra specifike për viktimat, tha se po heton ngjarjen, e cila ndodhi rreth orës 19:00, 30 km në jug të Roterdamit.
“Në një moment një kamion doli nga rruga dhe u përplas me turmën.” – tha zëdhënësja e policisë Elianne Mastwijk për median vendase Rijnmond.
Ishte e paqartë se çfarë e kishte shkaktuar incidentin, tha Mastwijk, ose numri i saktë i njerëzve që ishin vrarë ose plagosur pasi kamioni nuk ishte hequr ende nga vendi.
Fotot e publikuara nga Rijnmond dhe faqet e tjera të mediave lokale treguan një kamion të rëndë nga një kompani transporti spanjolle në fund të një dige të vogël, mes tavolinave të thyera të piknikut.
