Sekretari i Shtetit të SHBA-ve, Antony Blinken ka zhvilluar një takim ditën e djeshme me Presidenten e Kosovës Vjosa Osmani dhe Kryeministrin Albin Kurti.
Vetë Blinken ka zbuluar bisedat e bëra me dy liderët e Kosovës duke u përqëndruar te marrëdhëniet midis dy vendeve, mbështetjen e SHBA-ve për integrimin euroatlantik, dialogun Prishtinë Beograd të lehtësuar nga BE-ja.
Blinken ka falënderuar Kosovën për mikpritjen e afganëve si dhe mbështetjen e fortë për Ukrainën.
“U takova sot (dje) me presidenten Osmani dhe kryeministrin e Kosovës, Kurti. Shtetet e Bashkuara mbështesin integrimin euroatlantik dhe ndërkombëtar të Kosovës dhe dialogun Kosovë-Serbi të lehtësuar nga BE-ja. Ne vlerësojmë mikpritjen e Kosovës për afganët dhe mbështetjen e saj të fortë për Ukrainën”, shkroi Blinken.
