Vendosni fjalën kyçe....

Komiteti Organizativ i “Partisë së Lirisë” zgjedh drejtuesit e rinj të strukturave



Komiteti Organizativ i Partisë së Lirisë ka zgjedhur sot drejtuesit e rinj të strukturave deri në mbledhjen e Konventës Kombëtare.

Drejtuesit e rinj të strukturave janë zgjedhur me propozim të kryetarit Ilir Meta dhe të zëvendëskryetarit, Agim Nesho.

Ata janë:

-Tedi Blushi – Sekretar i Përgjithshëm

-Endrit Braimllari – Sekretar Organizativ

-Floida Kërpaçi – Sekretare për Marrëdhëniet Ndërkombëtare

-Silva Caka – Sekretare për Marrëdhëniet me Publikun

Në mbledhjen e sotme, kryetari Ilir Meta tha se qëllimi dhe fokusi i vetëm do të jetë denoncimi dhe lufta lundër korrupsionit që sipas tij i ka shkaktuar dëme të mëdha vendit. Pas akuzave ndaj qeverisë Rama, ai madje u shpreh se “Beteja e Stalingradit për të shpëtuar Shqipërinë ka filluar”.