Gjermania ka rënë dakord të ndryshojë Kushtetutën e saj për të lejuar një fond të mbrojtjes speciale të bazuar në kredi prej 100 miliardë eurosh të propozuar pas pushtimit të Ukrainës nga Rusia, njoftoi të dielën Ministria Gjermane e Financave.
Opozita e qendrës së djathtë të Gjermanisë dhe koalicioni qeverisës me socialdemokratët e qendrës së majtë (SPD), të Gjelbërit dhe Demokratët e Lirë pro-biznesit (FDP) thanë se arritën shumicën e kërkuar prej dy të tretave për të përjashtuar fondin e mbrojtjes.
Sipas burimeve të njohura me këtë çështje, negociatat u drejtuan nga kreu i FDP-së, Christian Lindner, ministrja e Mbrojtjes e SPD-së, Christine Lambrecht, liderja e të Gjelbërve, Annalena Baerbock dhe nënkryetari i opozitës, Mathias Middelberg.
Paratë do përdoren gjatë disa viteve për të rritur buxhetin e rregullt të mbrojtjes së Gjermanisë prej rreth 50 miliardë eurosh dhe për t’i mundësuar vendit të përmbushë objektivin e NATO-s për të shpenzuar 2% të prodhimit të tij ekonomik për mbrojtjen çdo vit.
