Shirat e rrëmbyeshëm kanë shkaktuar përmbytje të mëdha në pjesë të Kinës qendrore, duke i detyruar njerëzit të ikin nga shtëpitë e tyre dhe duke i lënë stacionet dhe rrugët të zhytura në ujë.
Më shumë se 10 mijë njerëz në provincën Henan janë evakuuar në strehimore, ndërsa të paktën 12 njerëz kanë vdekur në qytetin e Zhengzhou të kësaj province, që nga fillimi i përmbytjes.
BBC shkruan se në më shumë se 10 qytete rrugët kryesore janë mbyllur dhe fluturimet janë anuluar.
Provinca Henan, e cila është shtëpia e rreth 94 milion njerëzve, ka nxjerrë nivelin më të lartë të paralajmërimit të motit pas një sezoni shiu jashtëzakonisht aktiv.
Shumë faktorë kontribuojnë në përmbytje, por ekspertët besojnë se atmosfera e ngrohtë e shkaktuar nga ndryshimi i klimës i bën reshjet ekstreme më të mundshme. Ekzistojnë gjithashtu frikë se një digë në provincën Henan mund të shembet pasi u dëmtua nga stuhitë e fundit.
Nuk dihet ende se sa njerëz mbeten të bllokuar, por qindra raportohet të jenë shpëtuar deri më tani.
7月20日晚，郑州暴雨地铁5号线一车厢多人被困，水位淹过肩膀。根据郑州地铁晚上发布的消息，受持续暴雨影响，郑州地铁全线网车站已暂停运营服务，消防人员正在救援。 pic.twitter.com/wCiz7TGhki
— The Paper 澎湃新闻 (@thepapercn) July 20, 2021
