Të paktën 31 njerëz vdiqën në Nigeri të shtunën gjatë një rrëmuje në një kishë në shtetin jugor të Rivers, tha një zëdhënës i policisë.
Qindra njerëz që ishin paraqitur për të marrë ushqim në kishë herët të shtunën, depërtuan përmes një porte, duke shkaktuar rrëmujë, tha Grace Iringe-Koko, zëdhënësja e policisë për shtetin Rivers.
“Njerëzit ishin aty më herët dhe disa u bënë të paduruar dhe filluan të nxitojnë, gjë që çoi në rrëmujë. Policia është në terren duke mbikëqyrur gjendjen ndërkohë që hetimet po vijojnë.” – tha Iringe-Koko.
