Persona ende të paidentifikuar kanë qëlluar me breshëri plumbash në drejtim të një mobilerie në Nikël të Krujës. Ngjarja ka ndodhur gjatë natës, në biznesin e shtetasit Myslym Karaj.
Ka qenë ky i fundit që ka njoftuar Policinë në mëngjes, se në fasadën e mobilerisë së tij ka konstatuar shenjat e armëve. Për fat të mirë nuk raportohet për të lënduar.
“Më datë 15.04.2022, rreth orës 08:20, shtetasi M. K. ka njoftuar sallën operative se në fasadën e objektit (mobilierisë) në pronësi të tij, ka konstatuar disa shenja, që dyshohen se janë shkaktuar nga armë zjarri gjatë natës.
Grupi hetimor ndodhet në vendngjarje dhe po punon për sqarimin e rrethanave.”- thuhet në njoftimin e Policisë.
