Turqia nuk do t’i bashkohet sanksioneve që disa vende perëndimore kanë vendosur ndaj Rusisë për operacionin special në Ukrainë. Kështu ka deklaruar këtë të dielë ministri i Jashtëm turk, Mevlut Cavusoglu në një forum diplomatik në Antalia.
“Ne besojmë se sanksionet nuk do ta zgjidhin problemin.”- tha ai kur u pyet për qëndrimin e Turqisë në lidhje me sanksionet kundër Rusisë, citon TASS. “Merrni hapësirën ajrore. Në përputhje me Konventën e Montreux, ne nuk kemi fuqi ta mbyllim atë. Ky është një detyrim ligjor.”
Ndërkohë, Sekretari i Përgjithshëm i NATO-s Jens Stoltenberg tha në margjinat e forumit diplomatik se aleanca priste që të gjithë anëtarët e saj të vendosnin kufizime ndaj Moskës.
Por Turqia ka thënë vazhdimisht se nuk ka ndërmend t’i bashkohet sanksioneve kundër Rusisë në mënyrë që të mos dëmtonte ekonominë e saj dhe të mbante derën e hapur për një dialog me Rusinë.
