Paris Saint-Germain raportohet se i ka ofruar një kontratë të re yllit të skuadrës, Kylian Mbappes, të cilit i skadon kontrata në verën e këtij viti.
Sulmuesi francez ende nuk ka vendosur për të ardhmen e tij, teksa vazhdon të jetë i lidhur me një kalim te Real Madridi.
Më herët është raportuar se Mbappe ka arritur një marrëveshje me Real Madridin, por parisienët duke se nuk do ta lejojnë lehtë largimin e tij.
“Le Parisien” ka raportuar këtë të martë se PSG i ka ofruar një kontratë të re 23-vjeçarit.
Sipas gazetës franceze, kampioni francez i ka ofruar Mbappes një kontratë dy vjeçare, të vlefshme deri në qershor të vitit 2024.
Me kontratën e re, ish-sulmuesi i Monacos te Parisi do të përfitonte 50 milionë euro në vit.
Gjithashtu, PSG për besnikëri do të shpërblente Mbappen me 100 milionë euro në formë të bonuseve.
