Kryeministri Edi Rama ka bërë ironi gjatë daljes për shtypin në përfundim të mbledhjes së Kryesisë së Partisë Socialiste.
Rama u pyet nga gazetarët se çfarë i dha PD-së që votoi zgjatjen e organeve të vettingut duke ironizuar se i ka dhënë “arra me mjaltë”.
Rama tha se nuk negocion Reformat e propozuara nga PD-ja për “administrativen” dhe “zgjedhoren”.
Sipas tij ka dy PD dhe nuk di me kë të negociojë.
“Ne kemi zgjatjen e mandatit për një proces të dhimbshëm, i vështirë, proces me pjesët e veta shumë pozitive dhe me elementë problematikë. Proces pastrimi të një llumi të madh në një vend që s’ka pasur drejtësi kurrë si në vendet që i shikojmë me zili. Arra me mjaltë, janë dy PD, nuk negociojmë me asnjërën.”-tha Rama.