Mediat turke kanë raportuar për një ngjarje tragjike të ndodhur në kufirin mes Greqisë dhe Turqisë, ku 12 persona janë gjetur të vdekur nga i ftohti.
Fillimisht u raportua për 9 të vdekur të gjetur mëngjesin e sotëm sotëm në zonën kufitare mes dy shteteve, por numri i tyre ka shkuar në 12.
Habersitesi.com raporton se viktimave u ishin hequr këpucët dhe rrobat e trasha të dimrit nga rojet kufitare greke dhe ishin kthyer pas në Edrene ashtu, saqë ata u ngrinë deri në vdekje nga temperaturat e ulëta.
Emigrantë të tjerë të rrezikuar nga ngrirja u shpëtuan dhe u transferuan në Spitalin Shtetëror Keşan. Në deklaratën e bërë nga Guvernatoria e Edrenesë, bëhet e ditur se aktivitetet e kërkimit dhe skanimit në rajon vazhdojnë.
Ministri i Brendshëm Süleyman Soylu ka reaguar përmes një postimi në Tëitter ku tha se BE-ja është e pafuqishme, e dobët dhe çnjerëzore.
“Nga 22 emigrantët që u shtynë nga trupat kufitare greke, të cilëve iu hoqën këpucët dhe iu hoqën rrobat, 12 prej tyre u ngrinë. BE-ja është e pafuqishme, e dobët dhe çnjerëzore. Trupat kufitare greke janë mizore ndaj viktimës, dashamirëse me FETO-n. Zoti i mëshiroftë!”– tha ministri Souly, i cili ka publikuar edhe disa pamje të rënda.
Deri më tani nuk ka ndonjë reagim nga autoritetet greke apo raportim në mediat e tyre lidhur me ngjarjen.
Tarih: 2.2 2022
Yer: İpsala Yunanistan SınırıAyakkabıları çıkarılmış, elbiseleri soyulmuş Yunan sınır birlikleri tarafından geri itilmiş 22 göçmenden 12’si dondu
AB çaresiz, cılız ve insanlıktan yoksun.
Yunan sınır birlikleri, mağdura cani,
FETÖ’ye müşfikAllah rahmet eylesin pic.twitter.com/yBFObmdSxk
— Süleyman Soylu (@suleymansoylu) February 2, 2022