PD-ja zyrtare e drejtuar nga Lulzim Basha ka reaguar pas zyrtarizimit të koalicionit mes Lëvizjes Socialiste për Integrim, Partisë Demokristiane dhe grupit të Komisionit të Rithemelimit të PD-së.
Në njoftimin për mediet, PD e quan këtë koalicion “partinë e vjetër Meta-Berisha-Rama”. Ky koalicion sipas PD-së simbolizon korrupsionin, politikën e vjetër, lajmet e rreme dhe disinformimin si dhe ka 2 qëllime: “Të dëmtojë PD-në dhe demokratët si dhe të bëhet strehë mbrojtëse për Metën dhe Berishën”.
Po ashtu thuhet se me zyrtarizimin e koalicionit, shpjegohet edhe kandidimi në Dibër i Premtim Kryemadhit: “Premtim Kryemadhi mund të jetë kushëriri i Monika Kryemadhit, mund të jetë edhe bashkëshorti i prokurores që mbrojti dhe shpëtoi nga burgu Edi Ramën dhe bandën e tij, por me PD dhe demokratët nuk ka asnjë lidhje.
Kandidimi i tij shpjegon më së miri edhe komunikimin privat të Flamur Nokës dhe Ulsi Manjës. Kandidatin e koalicionit Non-Grata e kanë zgjedhur bashkërisht. Ulsi Manja, nëse bashkëshortja e kandidatit të Flamur Nokës në Dibër do të zbatonte ligjin dhe do hetonte dosjen 184, do ishte në burg dhe jo në krye të Ministrisë së Drejtësisë.”
Kujtojmë se paraditen e sotme, koalicioni “Shtëpia e Lirisë” ka dorëzuar në KQZ kërkesën për regjistrimin në zgjedhjet e pjesshme lokale të 6 marsit. Kërkesa është dorëzuar nga Lëvizja Socialiste për Integrim, e cila përfshin në koalicion Partinë Demokristiane e drejtuar nga Nard Ndoka dhe grupimin e ish-kryeministrit Sali Berisha në emër të “Partia Demokratike e Shqipërisë e përfaqësuar nga Komisioni i Përkohshëm i Rithemelimit”, e pa regjistruar si parti.
DEKLARATA E PD-së
Më në fund Sali Berisha zyrtarizoi partinë e vjetër Meta-Berisha-Rama që simbolizon gjithçka që nuk shkon në Shqipëri:
Korrupsionin
Politikën e vjetër
Lajmet e rreme dhe disinformimin.
Kandidimi në Dibër i bashkëshortit të prokurores që mbrojti bandën e Edi Ramës, duke mos hetuar dosjen 184 të vjedhjes së zgjedhjeve në Dibër, është provokim i rëndë për çdo demokrat dibran që masakrën zgjedhore e provuan të parët në 2016.
Premtim Kryemadhi mund të jetë kushëriri i Monika Kryemadhit, mund të jetë edhe bashkëshorti i prokurores që mbrojti dhe shpëtoi nga burgu Edi Ramën dhe bandën e tij, por me PD dhe demokratët nuk ka asnjë lidhje.
Kandidimi i tij shpjegon më së miri edhe komunikimin privat të Flamur Nokës dhe Ulsi Manjës. Kandidatin e koalicionit “Non-Grata” e kanë zgjedhur bashkërisht. Ulsi Manja, nëse bashkëshortja e kandidatit të Flamur Nokës në Dibër do të zbatonte ligjin dhe do hetonte dosjen 184, do ishte në burg dhe jo në krye të Ministrisë së Drejtësisë.
Partia e vjetër Meta-Berisha-Rama ka 2 qëllime:
- Të dëmtojë PD dhe demokratët
- Të bëhet strehë mbrojtëse për Metën dhe Berishën.
Ajo është streha për Ilirin dhe Saliun.
Zgjedh Ramën, mban Berishën dhe Metën.
Zgjedh Berishën dhe Metën, dhe mban Ramën.
