Banorët e 5 Majit dhe Laprakës janë grumbulluar në ish-sheshin Shqiponja.
Ashtu siç kishin paralajmëruar ata kanë bllokuar rrugën duke kërkuar mosprishjen e banesave të tyre ose dëmshpërblimin e drejtë të tyre.
Ata kanë kërkuar që kryebashkiaku Veliaj e përfaqësues të qeverisë të zbresin në terren e të takohen me banorët për të dëgjuar shqetësimet e tyre.
Banorët kanë paralajmëruar një tjetër protestë në zonën e 5 Majit të hënën në orën 5 pasdite.
Aa kanë ftuar edhe banorët e Astirit, Kombinatit e Shkozës që t’u bashkohen në protestë, duke qenë se përballen me të njëjtin problem.
