Grupi militant palestinez Hamas ka pohuar se ka kapur një delvin spiun ‘vrasës’ të stërvitur nga Mossad i veshur me pajisje të specializuara luftarake që dyshohet se sulmoi një nga njësitë e tij luftarake detare në brigjet e Gazës.
Një video e postuar nga Hamas për të njoftuar kapjen e dukshme u shpërnda gjerësisht në mediat sociale të martën. Gjatë klipit prej 25 sekondash, një zëdhënës i brigadave Al-Qassam, i identifikuar si Abu Hamza, tha se ‘njësia e saj amfibe’ kishte zbuluar dhe bllokuar atentatorin ujor gjatë një operacioni.
Një numër i mediave kanë cituar një raport të gazetës Al-Quds, e cila me sa duket vuri në dukje se delfini ishte i armatosur me një ‘pajisje’ të aftë për të vrarë operativët e Hamasit që dyshohet se i kishte ndjekur në det. Videoja përfshinte pamjet e një mjeti konik, të ngjashëm me parzmoren, që supozohej se ishte marrë nga spiuni i kapur.
Kjo nuk është hera e parë që Hamasi pretendon përdorimin e delfinëve të stërvitur nga Izraeli. Në gusht 2015, BBC citoi një raport të Al-Quds që pretendonte se një delfin tjetër i kapur ishte kthyer në ‘vrasës’ nga forcat izraelite.
