Deputetja e Partisë Demokratike, Albana Vokshi ka reaguar për protestën e sotme duke akuzuar kryetarin Lulzim Basha për situatën dhe aktet e dhunës.
Nga gjakosja, te shkopinjtë e gomës e gazi lotsjellës dhe gurët, janë disa nga veprimet për të cilat duhet të mbajë përgjegjësi Basha sipas Vokshit.
Vokshi shkruan në fund se Basha do mbajë gjithë jetën “vulën e turpit”.
“Lulzim Basha do mbajë përgjegjësi:
– për çdo pikë gjaku demokrati të derdhur sot,
– për çdo shkop gome në kurriz të demokratëve,
– për çdo ml gaz në mushkëritë e demokratëve,
– për çdo gurë apo send të hedhur mbi kokën e demokratëve,
– për çdo minutë në qelitë burgut.
Ai do mbajë gjithë jetën vulën e turpit!”-shkruan Vokshi.
