Një shfaqje cirku në qytetin e Tyumen në Siberinë e Rusisë shkoi tmerrësisht keq pasi një anëtar i trupës humbi ekuilibrin dhe ra në ring nga një lartësi e konsiderueshme.
Marifeti i rrezikshëm u krye pa një rrjetë sigurie dhe dy ekuilibruesit po ecnin mbi litar njëri sipër kokës së tjetrit.
Burri arriti në mes të rrugës së tij kur litari filloi të dridhej fuqishëm poshtë tij dhe ai humbi ekuilibrin.
Asistenti ishte siguruar me një tel dhe shpëtoi i padëmtuar, por ekuilibruesi kryesor u rrëzua nga një lartësi prej rreth gjashtë metrash duke tronditur personat e pranishëm. Ishte një rënie e rëndë, por burri ishte disi me fat që shpëtoi pa ndonjë lëndim serioz.
Ai lëndoi këmbën dhe u dërgua me urgjencë në spital ku një grafi zbuloi se nuk kishte frakturë, por vetëm një mavijosje të rëndë, raportojnë mediat lokale.
