Më shumë se 60 njerëz janë vrarë pasi një cisternë karburanti shpërtheu në veri të Haitit.
BBC raporton se automjeti u përfshi në një aksident në qytetin Cap-Haïtien dhe viktimat po përpiqeshin të mblidhnin karburantin që po rridhte.
Spitalet lokale janë mbingarkuar nga të plagosurit.
Kryeministri Ariel Henry tha se i gjithë kombi i Karaibeve ishte në pikëllim pas aksidentit, pasi ai shpalli tre ditë zie.
“Me shkatërrim dhe emocion mësova lajmin e trishtuar të shpërthimit mbrëmë në Cap-Haïtien.”- shkroi ai në Twitter të martën.
Fotot e postuara në rrjetet sociale tregojnë një flakë të madhe në vendin e aksidentit, në qytetin e dytë më të madh të Haitit. Një dëshmitar e përshkroi vendin e shpërthimit si “ferr“.
Plus de 50 morts, des dizaines de brûlés et de blessés répartis dans les hôpitaux du Cap-Haïtien et des environs, plus d’une vingtaine de maisons incendiées, tel est le bilan partiel après l’explosif d’un camion citerne dans le nord d’Haïti dans la nuit du 14 décembre 2021 pic.twitter.com/SWNqlsX4ek
— Frantz Duval (@Frantzduval) December 14, 2021
Dhjetra njerëz u plagosën nga shpërthimi dhe mjekët vendas thanë se kishin frikë se numri i të vdekurve do të rritej.
“Ne nuk kemi aftësinë për të trajtuar numrin e njerëzve të djegur rëndë.”– tha një infermiere në Spitalin Universitar Justinien për agjencinë e lajmeve AFP. “Kam frikë se nuk do të jemi në gjendje t’i shpëtojmë të gjithë.” Një tjetër shtoi: “Ne jemi të mbingarkuar”.
