Ministrja e Shtetit për Rininë dhe Fëmijët, Bora Muzhaqi, është shprehur se “nuk ka kohë” sot t’u përgjigjet pyetjeve të gazetarëve lidhur me rastet e abuzimeve apo dhe vrasjes së fëmijëve, siç ishte rasti në Fier.
Edhe pse në fillim u duk e gatshme t’u përgjigjej pyetjeve, sapo dëgjoi pyetjen se çfarë masash janë marrë për rastet e abuzimit të fëmijëve, ajo nu u tregua e gatshme të përgjigjej, e madje shtoi se kjo nuk përfshihet në kompetencat e dikasterit të saj, duke u thënë gazetarëve të lexojnë.
Megjithatë kujtojmë se ky institucion u krijua nga kryeministri Edi Rama, përisht në mënyrë që fëmijët të marrin një vëmendje më të madhe.
Pjesë nga biseda me gazetarët:
Gazetarja: Çfarë masash konkrete janë marrë në lidhje me rastet e abuzimit.
Bora Muzhaqi: Aaaa, unë jam shumë vonë më duhet të lëviz, ju kërkoj shumë ndjesë
Gazetarja: Mund të përgjigjeni se dy minuta ju marrim. Kjo është përgjigjia juaj? Drejtoni një institucion…
Bora Muzhaqi: Institucioni im nëse do të kishit lexuar VKM-në që përcakton përgjegjësitë e mia, do e kishit kuptuar dhe përgjigjen time. Mirupafshim!
