Një diplomat rus u gjet i vdekur në fund të muajit tetor jashtë ambasadës së vendit në Berlinin qendror, u zbulua të premten. Sipas një raporti nga revista gjermane ‘Der Spiegel’, burri ra nga një dritare.
Gazeta tha se i ndjeri ishte një sekretar 35-vjeçar që kishte punuar në ambasadë. Ai pretendoi se punonjësi dukej se kishte rënë nga një kati i sipërm i ndërtesës dhe se trupi i tij u zbulua më 19 tetor.
Ambasada e Rusisë në Gjermani lëshoi një deklaratë të shkurtër në përgjigje të raportit, duke thënë se ‘nuk do e komentonte ngjarjen tragjike për arsye etike’.
Raportet thanë se zyrtarët nuk kishin rënë dakord që një autopsi të bëhej në Gjermani dhe për këtë arsye trupi ishte transportuar në Rusi. Autoritetet gjermane nuk ishin në gjendje të hetonin incidentin për shkak të statusit diplomatik të të ndjerit, raportoi ‘Der Spiegel’.
Revista pretendonte se shërbimet e sigurimit të Berlinit besonin se personi kishte qenë një operativ i fshehtë i agjencisë kryesore të sigurisë së brendshme të Rusisë, Shërbimit Federal të Sigurisë (FSB) megjithatë nuk ka ofruar asnjë provë për të mbështetur këtë pretendim.
“Ne besojmë se spekulimet për këtë incident tragjik, i cili është shfaqur në disa media perëndimore, janë absolutisht të papranueshme.” – tha ambasada.
Përgatiti për Hashtag.al, Klodian Manjani
