Rendi botëror është i padrejtë dhe dominohet nga një ‘grusht vendesh’ që fituan Luftën e Dytë Botërore, tha presidenti turk Rexhep Tajip Erdogan në parlamentin e Angolës, pasi ka nisur një tur diplomatik në Afrikë.
Erdogan zbarkoi në Luanda të hënën për një takim me presidentin e Angolës, Joao Lourenco dhe një fjalim në parlamentin e vendit të Afrikës së Jugut, në të cilin ai denoncoi ‘qasjen orientaliste me qendër në Perëndim’ ndaj kontinentit dhe u ankua për ‘padrejtësitë’ në rendin e tanishëm global.
“Fati i njerëzimit nuk duhet të lihet në mëshirën e disa vendeve që fituan Luftën e Dytë Botërore,” u tha Erdogan ligjvënësve Angolan.
“Sot ne flasim me moton ‘bota është më e madhe se pesë’ dhe në këtë mënyrë ne luftojmë kundër pabarazisë në botë,” tha ai, duke iu referuar numrit të anëtarëve të përhershëm të Këshillit të Sigurimit të OKB -së.
“Ndërsa bota dhe pothuajse çdo aspekt i jetës sonë po ndryshon, diplomacia, tregtia dhe marrëdhëniet ndërkombëtare po kalojnë shndërrime transformime rrënjësore, ne nuk mund të mendojmë se arkitektura e sigurisë globale do të mbetet e njëjtë,” shtoi presidenti turk.
Kombet e Bashkuara u krijuan nga fuqitë aleate fitimtare pas humbjes së Gjermanisë naziste dhe Japonisë Perandorake në vitin 1945. Ndërsa Asambleja e Përgjithshme përfshin të gjithë anëtarët e OKB-së, Këshilli i Sigurimit ka pesë anëtarë të përhershëm me fuqi vetoje, Kina, Franca, Rusia, Britania e Madhe dhe SHBA, dhe dhjetë anëtarë të rradhës të zgjedhur për mandate dyvjeçare.
