Zvicra do të legalizojë martesat e të njëjtit seks në një referendum kombëtar, tregojnë rezultatet e projektuara të votimit të së dielës. Kjo do u jepte të drejta shtesë çifteve homoseksualë, të cilët tani për tani përballen me disa kufizime ligjore.
Parashikimet e publikuara të dielën thanë se nisma është pranuar nga gati dy të tretat e votuesve, me 64.5% që kanë votuar pro. Sondazhet e kryera para referendumit treguan nivele të ngjashme mbështetjeje. Numërimi përfundimtar i votimit pritet më vonë të dielën pasdite.
Para votimit, çiftet e të njëjtit seks kishin mundësinë e një partneriteti civil sipas një ligji të vitit 2007, por disa nga të drejtat e tyre ishin të kufizuara, në krahasim me çiftet e martuara. Ata nuk mund të merrnin kujdestarinë e përbashkët të fëmijëve të birësuar, për shembull dhe nuk mund të adoptonin fëmijë me të cilët nuk kanë lidhje gjaku.
Pasi të legalizohet martesa e të njëjtit seks, çiftet lezbike në Zvicër do të kenë të drejtë të përdorin spermën e donatorëve dhe forma të tjera të mbetjes shtazënë të asistuar nga mjekësia, në të njëjtin nivel me çiftet heteroseksuale.
Legalizimi gjithashtu do t’i bëjë gjërat më të qeta për shtetësitë e përziera, çiftet e të njëjtit seks që duan të natyralizojnë një bashkëshort të huaj mund ta bëjnë këtë.
Kundërshtimi i nismën qeveritare u drejtua nga grupe që mbrojnë vlerat konservatore, të cilët pretenduan se mund të çojë në një rritje të shtatzënive zëvendësuese – të cilat janë të paligjshme në Zvicër – dhe do të dëmtonte fëmijët e ardhur nga donatorët. Fëmijë të tillë duhet të presin deri në moshën 18 vjeç për të mësuar identitetin e babait të tyre biologjik, sipas ligjit zviceran.
