Një aksident ka ndodhur mbrëmjen e sotme në Fushë-Krujë, ku një veturë është përplasur me një kamion, si pasojë kanë mbetur të plagosur dy persona.
Sipas policisë, aksidenti ndodhi rreth orës 19:00, ku mjeti tip “Ford”, me drejtues shtetasin F. A., ka humbur kontrollin e mjetit duke u përplasur me një kamion, e më pas ka dalë jashtë rruge. (foto ilustruese)
Si pasojë është lënduar drejtuesi i mjetit shtetasi F. A., dhe pasagjerja në mjet shtetasja B. A., 35 vjeçe, të cilët ndodhen nën kujdesin e mjekëve, jashtë rrezikut për jetën. Grupet hetimore ndodhen në vendngjarje dhe po punojnë për përcaktimin e shkakut të aksidenteve.
