Fushata e vazhdueshme e vaksinimit në Gjermani nuk do të jetë e mjaftueshme për të ndaluar valën e tretë të pandemisë Covid-19, ka paralajmëruar ministri i Shëndetësisë Jens Spahn, duke u kërkuar rajoneve të kthehen në masat e bllokimit nëse është e nevojshme.
“Vaksinimi nuk parandalon valën e tretë, vala e tretë po rritet.” – tha ministri ndërsa vizitoi një nga qendrat e vaksinimit në Berlin të hënën, pas pushimeve të Pashkëve.
Spahn përshkroi gjithashtu situatën në njësitë e kujdesit intensiv të Gjermanisë si ‘shqetësuese’ dhe tha se numri i njerëzve të trajtuar atje u rrit në më shumë se 4,000 gjatë fundjavës së Pashkëve.
Më shumë se gjysma e tyre janë në ventilim. Ministri u bëri thirrje qytetarëve që të respektojnë distancimin dhe kontaktet kryesisht ‘në sektorin privat, në shkolla, në punë kudo që është e mundur’.
