Qindra protestues dolën në Bristol për të protestuar kundër një projektligji që do të zgjeronte në mënyrë dramatike kompetencat e policisë në Mbretërinë e Bashkuar. Por përplasjet mes tyre dhe oficerëve të policisë filluan shpejt, me njërën palë që qëllonte me sende e fishekzjarre dhe tjetrën me shkopinj gome.
Sipas BBC-së, dy automjete policie u dogjën, pati dëme në një stacion policie, një oficer pësoi një thyerje të krahut dhe një tjetër pësoi thyerje të brinjëve.
Sekretarja e Brendshme Priti Patel i përshkroi ngjarjet si “të papranueshme”. “Masakra dhe çrregullimi nga një pakicë nuk do të tolerohen kurrë.”- tha ajo. “Oficerët tanë të policisë e vënë veten në rrezik për të na mbrojtur të gjithëve.”
Dhoma e Ulët e Parlamentit Britanik miratoi një projekt-ligj të diskutueshëm për policinë javën e kaluar i cili, përveç parashikimit të ndëshkimeve më të ashpra për krimin, përcakton dënime me burg deri në 10 vjet për këdo që shkakton “bezdi serioze ose shqetësim” në publik – një dispozitë që aktivistët thonë se do të përdoret për të goditur protestën paqësore.
