SPAK ka shpallur moskompetencën për çështjen ndaj ish-zv.drejtorit të OFL-së, Artan Shkëmbi.
Ish-zyrtari i lartë i Policisë së Shtetit, u pezullua nga detyra në shtator 2020 pas disa informacioneve të ardhura nga Gjermania.
Drejtësia e këtij vendi kishte kërkuar hetim e bashkëpunim me policinë shqiptare për dy trafikantë shqiptarë, Aleksandër Prronin e Klaudio Vukajn.
Autoritete gjermane pretendojnë se Prroni e Vukaj janë lajmëruar nga Shkëmbi se po hetoheshin për verifikimin e pasurisë së tyre.
Ish-numri dy i OFL-së dyshohet se ka zbuluar informacione sekrete duke dekonspiruar hetimet që po zhvilloheshin në Gjermani ndaj disa shtetasve shqiptarë.