Analisti Baton Haxhiu në emisionin “Shock” deklaroi se synimi i Albin Kurtit është që një ditë të bëhet kryeministri i Shqipërisë.
Haxhiu shprehet i sigurt se një ditë Kurti do e arrijë këtë gjë dhe do ndjekë të njëjtën rrugë që ka ndjekur në Kosovë.
“Ambicia e tij është historike, ambicia është që një ditë ta shohë veten në karrigen e kryeministrit në Shqipëri. Kur do të jetë ajo dhe a do ta fitojë atë betejë, nga rruga që ka ndjekur në Kosovë, unë besoj se edhe në Shqipëri do ta ketë rrugën e njëjtë, jam i bindur për këtë”, u shpreh Haxhiu në EuroNews Albania.
