Ministri i Mbrojtjes Peleshi është infektuar me Covid-19.
Lajmin e ka njoftuar vetë shefi i mbrojtjes që shkruan se pavarësisht kujdesit të treguar, është prekur nga koronavirusi i ri.
Ai shton se ka simptoma të lehta dhe se është vetëkarantinuar në banesë.
“Me gjithë kujdesin e treguar gjatë gjithë ketyre muajve, dje pas testit rezultova pozitiv me COVID-19. Fatmirësisht kam simptoma të lehta dhe jam karantinuar në banesë nga ku po ushtroj në distancë detyrat. Kohëzgjatja e pandemisë na i bën të vështirë përqendrimin e përditshëm kundrejt masave, por duhet të bëjmë durim edhe pak.” – shkruan Peleshi në Facebook.
