Fotografitë nga Franca treguan qiej portokalli mbi shtresat e dëborës, ndërsa era me rërë nga Shkretëtira e Saharasë, erdhi në Evropë disa javë më herët sesa pritej.
Ndërsa fotografitë e skenave surreale përmbytën mediat sociale të shtunën, francezët në të vërtetë janë mësuar edhe më herët me dukurinë vjetore.
“Era me rërë nuk është jashtëzakonisht e rrallë, por është e jashtëzakonshme që ka ardhur kaq herët këtë vit.” – shkruan Le Parisien. Era në fjalë vjen zakonisht në prill dhe çon në rritje të temperaturave.
Jugu dhe juglindja e Francës thuhet se janë zonat më të prekura deri tani, megjithatë qiejt portokalli pritet të përhapen në të gjithë pjesën tjetër të vendit në vijim.
