Policia e kryeqytetit ka arrestuar 3 persona për vepra të ndryshme penale.
Një shtetas me iniciale A.M 29-vjeç banues në Kosovë është arrestuar për përndjekje të një shtetase.
Ndërsa një shtetas tjetër u arrestua për dhunë ndaj babait të tij dhe një tjetër për drejtim të mjetit në gjendje të dehur.
“Arrestohen në flagrancë 3 shtetas, për vepra të ndryshme penale.
Specialistët për Hetimin e Krimit në Komisariatin e Policisë Nr. 1 bënë arrestimin në flagrancë të shtetasit A. M., 29 vjeç, banues në Gjakovë, Kosovë, pasi në mënyrë të vazhdueshme ka përndjekur një shtetase.
Nga specialistët për Hetimin e Krimit u bë arrestimi në flagrancë i shtetasit E. H., pasi ka ushtruar dhunë fizike dhe psikologjike ndaj babit të tij.
Nga specialistët e Qarkullimit Rrugor u bë arrestimi në flagrancë i shtetasit I. M., 50 vjeç, pasi u kap duke drejtuar mjetin në gjendje të dehur, në masën 0.75 mg/l.
Materialet iu referuan Prokurorisë së Rrethit Gjyqësor Tiranë, për veprime të mëtejshme hetimore”-thuhet në njoftimin e policisë.