Vendosni fjalën kyçe....

Myslim Murrizi: Politikanët shqiptarë merren vesh më mirë se Kodi i Ndranghetës, ndajnë bashkë vilat


Në seancën e sotme plenare në Kuvend, deputeti Myslim Murrizi, tha se politikanët në Shqipëri merren vesh më mirë sesa Kodi i Ndranghetas. Madje sipas tij, palët politike i ndajnë bashkë pasuritë e vilat.

 “Askush nuk do e mendonte se Shqipëria do priste azilantë politikë nga vende të botës së tretë, që nuk aspirojnë shumë për të qëndruar në vend, por është azil trampolinë, për të kaluar nëpërmjet ‘ustallarëve’ në vendet e BE-së. Shqipëria ka pasur të njëjtin fat me azilantët sirianë, teksa më 1991-shin, mijëra shqiptarë ikën drejt shteteve europiane.

Kishim eksod biblik për ne edhe më 1997. Politikanët kanë qarë me lotë krokodili. Merreni vesh më mirë se Kodi i Ndraghetas. Gatuat një gjellë qensh, me tjetërsim të votave nga partitë e vogla te partitë e mëdha e keni bashkë, edhe vilat i keni bashkë, edhe në fshatra turistikë jeni bashkë, me gjithë maskarallëkun që iu keni bërë shqiptarëve.”- u shpreh i revoltuar Murrizi në seancën ku po diskutohet për emigrantët që kërkojnë azil në Shqipëri.


Leave a Reply

Your email address will not be published. Required fields are marked *