Djali i miliarderit George Soros, ka bërë thirrje për zhdukjen e Trumpizmit.
Në një status në faqen e tij në Instagram, Alexander Soros, teksa ka postuar fotografinë e Donald Trump duke u larguar nga Shtëpia e Bardhë me helikopter shkruan se megjithatë Trampizmi dhe supremacia e të bardhëve nuk kanë vdekur ende.
Ai sjell si shembull edhe ish-presidentin George W. Bush teksa shkruan se edhe pse ai ishte kriminel që duhej fajësuar, Trump është edhe më keq se ai.
“Është një ditë e re në Amerikë, por Trumpizmi dhe epërsia e të bardhëve nuk kanë vdekur. Mos të harrojmë se kur George W. Bush u largua nga zyra, shumë thanë se ai ishte Presidenti më i keq ndonjëherë, dhe veproi sikur udhëheqja si e tij të mos kthehej më kurrë në Shtëpinë e Bardhë. Unë e di që Bush tani mbështet civilizimin dypartiak, por ai ishte një kriminel që meritonte fajësimin, dhe megjithatë ne vazhduam. “Nuk mund të bëhet më keq se George W. Bush”, thamë ne. Por u bë më keq se George W. Bush me zgjedhjen e Donald Trump. Dhe jam i pikëlluar të them se mund të përkeqësohet edhe më shumë se Donald Trump në të ardhmen nëse përsërisim gabimet e së kaluarës. Bashkë-demokratë: Unë ju nxis ta keni parasysh këtë gjatë dy-katër viteve të ardhshme. Demokracia jonë është në rrezik.” – shkruan Soros.
