Vendosni fjalën kyçe....

PSG-ja zyrtarisht në garë për Mesin, Leonardo: Jemi pjesë e tavolinës së madhe


Francezët e PSG-së janë të interesuar për të sjellë në Paris argjentinasin Lionel Mesi. Lajmi është pohuar nga drejtori sportiv i klubit, braziliani Leonardo.

Gjatë një interviste për France Fooball, Leonardo tha se lojtarët e mëdhenj si argjentinasi janë përherë në listën e PSG-së.

“Lojtarët e mëdhenj si Mesi janë përherë në listën e PSG-së. Ne jemi pjesë e tavolinës së madhe të klubeve që po ndjekin çështjen.” – tha ndër të tjera Leonardo.

Vetë Mesi ka thënë më herët se nëse do lëvizë nga Barcelona nuk do shkojë kurrë te Reali i Madridit, ndërsa ka shtuar se do japë maksimumin për katalanasit për aq kohë sa do jetë pjesë e klubit.

Në fillim të këtij sezoni Mesi bëri çmos që të largohej nga klubi por nuk arriti, por duhet thënë se marrëdhënia e tij me drejtuesit e Barcelonës është thyer tashmë dhe zor se sezoni tjetër do e gjejë atë në Spanjë. Në garë për argjentinasin është edhe ekipi anglez Mançester Siti i drejtuar nga Guardiola.


Leave a Reply

Your email address will not be published. Required fields are marked *