Vendosni fjalën kyçe....

Basha pas takimit me studentët e mjekësisë: Kolapsi i shëndetësisë po i përzë mjekët e ardhshëm


Kreu i Partisë Demokratike, Lulzim Basha ka reaguar pas takimit me mjekët e ardhshëm që zhvilloi më parë ditën e sotme, duke shkruar se ata nuk duan të ikin nga Shqipëria, por sipas tij kolapsi i shëndetësisë po i përzë nga vendi.

Basha ka hedhur akuza ndaj kryeministrit Edi Rama, duke thënë se sipas tij premtimi për shëndetësi falas rezultoi një mashtrim.

Mjekët e ardhshëm shqiptarë nuk duan të ikin nga Shqipëria, por kolapsi i shëndetësisë po i përzë. Premtimi për shëndetësi falas rezultoi një mashtrim, një pabesi për shqiptarët. Spitalet kanë kolapsuar, mjekët nuk paguhen, nuk mbrohen, ilaçet janë të shtrenjta e të pasigurta“-shkruan Basha.