Qeveria ka propozuar dënime më të ashpra ndaj personave që dëmtojnë me dashje ndërtesat apo objekte publike duke rrezikuar jetën e shëndetin e qytetarëve.
Projektligji i ri që pritet të mbërrijë në Kuvend dhe sipas tij dënimet shkojnë nga 5 deri në 15 vite burg.
Në rastet e shkatërrimit të plotë ose të pjesshëm të çdo objekti do ketë dënim me gjobë ose burg deri në 5 vite. Kur nga ndërhyrjet e paligjshme kanë ardhur pasoja të rënda materiale, dënimi do të jetë nga 5 deri në 10 vjet burg.
Kur shkaktohen pasoja të rënda për jetën dhe shëndetin e qytetarëve, dënimi do jetë nga 7 deri në 15 vjet burg.
Projektligji vjen në Kuvend teksa rreth një vit më parë vendi u godit nga një tërmet i fuqishëm.
Nga lëkundjet e 26 nëntorit humbën jetën 52 persona, qindra të tjerë u plagosën ndërsa mijëra të tjerë kanë mbetur pa banesa.
Në një pjesë të mirë të godinave që u rrëzuan, rezultoi se kishte ndërhyrje në strukturën e tyre ose ishte ndërtuar pa zbatuar rregullat e përcaktuara.
