Emisari i posaçëm për dialogun mes Kosovës dhe Serbisë nga administrata e Presidentit të SHBA-së Donald Trump, Richard Grenell ka reaguar ndaj deklaratës së ish-kryeministrit Albin Kurti.
Grenell shkruan se e vetmja gjë e sigurt është se Kurti do jetë gjithmonë kundër SHBA-ve.
“Një gjë është e sigurt, ju gjithmonë mund të llogarisni që Albin Kurti të jetë kundër Shteteve të Bashkuara.
Ai ishte kundër ideve të Obamës dhe ishte kundër ideve të Bushit.
Simbolizmi nuk paguan qiranë; puna po”-shkruan Grenell.
Këtë deklaratë ai e bëri pasi, Kurti tha se sapo të bëhet kryeministër nuk do njohë marrëveshjen e arritur në Shtëpinë e Bardhë.
