Kuvendi i Shqipërisë ka shpallur që më 29 gusht hapjen e procedurës së aplikimit për vendet vakante në Komisionin Qendror të Zgjedhjeve.
Dhe aplikuesi i parë, për pozicionin e Komisionerit Shtetëror të Zgjedhjeve është juristi profesionist Naim Mëçalla, i cili është dekan në një universitet privat. Ky është vetëm një nga vendet vakante.
Vendet e tjera vakante janë: Nënkomisioner Shtetëror të Zgjedhjeve; -5 anëtarë të Komisionit Rregullator; -5 anëtarë të Komisionit të Ankimimeve dhe Sanksioneve.
Administrata që do të menaxhojë zgjedhjet do të përbëhet nga 3 nivele. I pari është komsioneri, i dyti Komisioni Rregullator; dhe shkalla e tretë është Komisioni i Ankimimeve dhe Sanksioneve.
Komisioneri Shtetëror i Zgjedhjeve është organ monokratik që ushtron kompetencat ekzekutive, drejton administratën e KQZ-së dhe përfaqëson KQZ-në në marrëdhëniet me të tretët. Ai zgjidhet nga Kuvendi me mandat 7-vjeçar.
