Bashkimi Evropian ka siguruar 33 milionë euro për të financuar ndihmën emergjente në fazën paraprake për Libanin.
Presidentja e Komisionit Evropian, Ursula von der Leyen, me anë të një telefonate me kryeministrin Libanez Hassan Diab e njoftoi për ndihmën e Bashkimit Evropian.
Në një letër drejtuar 27 vendeve anëtarëve të BE-së, von der Leyen dhe Charles Michel, President i Këshillit Evropian, iu bën thirrje vendeve anëtare “të kontribuojnë në rimëkëmbjen e Libanit”.
“Ne ju ftojmë të intensifikoni mbështetjen tuaj për Libanin, si për nevojat e menjëhershme, por edhe me qëllim të rindërtimit afatgjatë të vendit”, kanë shkruar udhëheqësit, raporton Rel.
Më 4 gusht, një shpërthim në një depo me kimikate në Bejrut la të vdekur mbi 130 persona si dhe plagosi mijëra të tjerë. Hetimet e para thonë se materiali ishte ruajtur në mënyrë të pasigurtë në depo.
Dëmet materiale konsiderohet të arrijnë vlera miliardëshe. Ndërkohë, presidenti i Francës, Emmanuel Macron, është udhëheqësi i parë botëror që e vizitoi Libanin.
