Ministrinë e Shëndetësisë e Kosovës ka prezantuar masat e reja në kuadër të parandalimit të përhapjes së koronavirusit.
Ndër masat e mara nga autoritetet është vetëizolimi për shtatë ditë, për të gjithë personat që kthehen nga Shqipëria, Maqedonia e Veriut, Mali i Zi dhe Serbia.
Por si do të menaxhohet e gjithë kjo procedurë, në dokumentin ekskluziv të cilin e posedon Klan Kosova, thuhet se të gjithë këta persona me rrezikshmëri infeksioni, do të monitorohen nga shtabet komunale në bashkëpunim me Policinë e Kosovës.
”Të gjithë personat që do të vetë-izolohen evidentohen në regjistër nga Policia e Kosovës në të gjitha pikat kufitare të territorit të Republikës së Kosovës; Këta persona do të monitorohen nga shtabet komunale në bashkëpunim me Policinë e Kosovës”-thuhet në vendim.
