Historia e një vajze adoleshente afgane është bërë virale në mediat sociale për “heroizmin” e saj pasi luftoi javën e kaluar kundër militantëve talebanë, që vranë prindërit e saj.
Siç shkruan BBC, adoleshentja mori pushkën e familjes AK-47 dhe pushkatoi dy prej militantëve e plagosi disa të tjerë,.
Përdoruesit e mediave sociale e vlerësuan shumë adoleshenten pavarësisht se edhe ajo ka marrë jetë dhe komentet ishin të shumta. Gjithashtu fotoja e vajzës me pushkën në dorë është bërë virale kudo.
“Urra për guximin e saj”- shkruan një komentues, i identifikuar si Najiba Rahmi në Facebook.
“Ne e dimë se prindërit janë të pazëvendësueshëm, por hakmarrja juaj do t’ju japë paqe relative“- tha Mohamed Saleh, gjithashtu në Facebook.
Sipas mediave lokale, provinca Ghor ku ka ndodhur ngjarja është një nga provincat perëndimore më të pazhvilluara të Afganistanit dhe incidencat e dhunës ndaj grave janë të larta.
Talibanët nënshkruan një marrëveshje paqeje me SHBA-në në shkurt, por shumë prej anëtarëve të saj vazhdojnë të kërkojnë rrëzimin e qeverisë dhe kushtetutës aktuale në Afganistan.
