Grabiten gjatë natës zyrat e Drejtorisë së Përgjithshme të Transportit Rrugor, në Kashar.
Pastruesja e institucionit është ajo e cila ka konstatuar e para vjedhjen mëngjesin e sotëm, kur ka shkuar për të nisur punën.
Mësohet se janë rrëmbyer gjërat që ndodheshin brenda një kasaforte, ndërsa një tjetër kasafortë vjedhësit nuk e kanë hapur dot dhe e kanë marrë ashtu siç ka qenë.
Mendohet se bëhet fjalë për dy autorë, të cilët janë larguar më pas nga institucioni me automjet. Policia po kqyr kamerat e sigurisë për të hedhur dritë mbi ngjarjen.
Ende nuk është e qartë se çfarë shume parash dhe dokumentesh janë vjedhur nga kasafortat./Hashtag.al
