Gjykata ka vendosur të lërë në burg 48-vjeçarin Sokol Kapinova i cili akuzohet se ka ngacmuar seksualisht një 5 vjeçare në Berat.
Raportohet se asnjë avokat nuk ka pranuar që ta mbrojë 48-vjeçarin në Gjykatë.
Sokol Kapinova akuzohet se e ka gënjyer me ëmbëlsira dhe kumbulla vajzën së bashku me motrën e saj 7-vjeçe, për t’i futur në shtëpinë e tij.
Ngacmimi seksual ka ndodhur në prani të motrës 7 vjeç.
48-vjeçari ka pranuar ngjarjen e rëndë para gjykatës, ndërsa ka rrëfyer se si i gënjeu të miturat për t’i futur në shtëpi.
“Dy motrat 5 dhe 7 vjeç po luanin në oborrin e pallatit. I kam gënjyer me ëmbëlsira dy vajzat. I kam futur në banesë. 7 vjeçarja ka bërtitur për ndihmë”, ka thënë Kapinova, i cili nuk ka shfaqur shenja pendese.
Në raportin mjeko ligjor ka rezultuar se 5-vjeçarja kishte shenja të dhunës. Kjo ngjarje ka ndodhur vetëm para tre ditësh, në lagjen “Barrikada”.
