I dërguari special i SHBA për dialogun Kosovë- Serbi, Richard Grenell ka thënë për “Fox News” se shkëmbimi i territoreve nuk është politikë e presidentit amerikan Donald Trump.
“Kur bëhet fjalë për Kosovën dhe Serbinë, ne i kemi të dy bashkë në Shtëpinë e Bardhë të Shtunën e ardhshme për të folur për një lëvizje dhe marrëveshje historike. E megjithatë unë po luftoj vazhdimisht për këtë thashetheme për shkëmbime të tokës midis të dyve. Dhe kjo nuk është politika e Trump. Por kur gërmoni thellë, të dy palët thonë: Epo, kjo është ajo që tha John Bolton. Dhe kështu unë po luftoj me të gjitha thashethemet që vazhduan sepse Bolton po ndiqte politikën e tij dhe jo politikën e Presidentit Trump”– tha Grenell.
Richard Grenell i ftoi zyrtarët nga Beogradi dhe Prishtina në një takim më 27 qershor në Shtëpinë e Bardhë, të cilët priten të përqendrohen në ekonomi e jo në politikë.
