Pas rritjes së numrit të të infektuarve, kryeministri i Kosovës Avdullah Hoti, u ka kërkuar institucioneve publike dhe atyre private që të punojnë nga shtëpia.
Ai ka bërë të detyrueshme mbajtjen e maskës gjatë gjithë kohës në hapësira pubike.
“Të dashur qytetarë,
Rritja e numrit të të infektuarve me #COVID19 është shqetësuese! Mungesa e vëmendjes për parandalim të përhapjes së virusit po vë në rrezik jetët e shumë qytetarëve me ndjeshmëri të lartë, sidomos të gjyshërve e gjysheve tona!
Andaj, sipas rekomandimeve të IKShPK-së dhe OBSh-së, sot në mbledhjen e Qeverisë morëm vendim për të ngritur nivelin e reagimit institucional!” – thotë Hoti.
Një nga këto vendime, është pikërisht detyrimi për të punuar nga shtëpia.
Ai shton se ministria e Shëndetësisë po punon në ngritjen e kapaciteteve për rritjen e numrit të testeve dhe në ngritjen e qendrave të testimeve nëpër komuna.
Vendimet:
🔴 Obligohen institucionet publike dhe private që të organizojnë punën në distancë apo nga shtëpitë
🔴 Të reduktohet stafi
🔴 Të shtohen kontrollet nga inspektoratet
🔴 Të gjitha institucionet obligohen të shtojnë kontrollet në hyrje të çdo institucioni
🔴 Maskat janë obligative gjatë gjithë kohës në hapësira publike
🔴 Puna në institucione duhet të organizohet në përputhje me Manualin e Ministrisë së Shëndetësisë
