Struktura e Posaçme Anti-Korrupsion ka reaguar lidhur me dy kallëzimet e bëra nga Aleanca për Mbrojtjen e Teatrit.
SPAK thotë se dy kallëzimet e bëra janë bashkuar dhe po kryhen hetimet ndërsa procesi është akoma në fazën paraprake.
Ka qenë vetë Aleanca që ka publikuar lajmin për reagimin e SPAK-ut.
“SPAK ka reaguar zyrtarisht për kallëzimin e bërë në dhjetor dhe në maj nga pjesëtarë të Aleancës për Mbrojtjen e Teatrit. Përmes kësaj letre e cila konfirmon lajmin e shpërndarë në media dje, institucioni në fjalë bën të ditur që kallëzimi i muajit maj është bashkuar me procedimin penal të regjistruar më 23 janar 2020. Procedimi penal është në fazën e hetimeve paraprake dhe nga ana jonë janë duke u kryer veprime hetimore të plota dhe të gjithanshme”—shkruan Aleanca në postimin e saj.
