Një aksident i rëndë ka ndodhur në orët e para të mëngjesit të sotëm në fshatin Murqinë të Fushë-Krujës.
Mësohet se një motoçikletë ka dalë nga rruga dhe ka përfunduar në një kanal.
Mjeti drejtohej nga 40-vjeçari Lul Toli, banues në fshatin Derven, i cili është dërguar me urgjencë drejt Spitalit të Traumës në Tiranë, ku ndodhet në gjendje të rëndë.
Policia ka nisur hetimet për zbardhjen e rrethanave të aksidentit, megjithatë paraprakisht dyshohet se shkak është bërë humbja e kontrollit nga ana e drejtuesit të motoçikletës.
